.png)
ክስ ሳይመሰረትበት ለአራት ወራት በማእከላዊ እስር ቤት የሚገኘው የአንድነት የሕዝብ ግንኙነት ክፍል ሃላፊ ወጣት ሃብታሙ አያሌው፣ ከፍተኛ ኢሰብአዊ ግፍ እየተፈጸመበት እንደሆነ ታወቀ። ሃብታሙ አያሌው ለአንድ ሳምንት ወደ መጸዳጃ ቤት እንድዳይሄድ በመከልከሉ በፌስትታል ይጠቀም እንደነበረ፣ ለሶስት ሳምንታትም ቁጥር ስምንት በምትባል የጨለማ ቤት ዉስጥ ለብቻው እንዲቀመጥ መደረጉንም አረጋግጠናል።
.png)
.png)
ጥቅምት ፲፫(አስራ ሦስት) ቀን ፳፻፯ ዓ/ም ኢሳት ዜና :-በአዲስ አበባ ለ3ኛ ጊዜ በተዘጋጀው የፖለቲካ ስልጠና መድረክ ከወረዳ ጽ/ቤት እስከ ማዕከል ቢሮዎች የሚገኙ ሰራተኞች እና የፌደራል መ/ቤት ሰራተኞች ከማክሰኞ ጥቅምት 3 ቀን እስከ ቅዳሜ ጥቅምት 14/2007 ዓ.ም ለተከታታይ 11 ቀን የፖለቲካ ስልጠና የተሰጠ ሲሆን፣ በዚህ መድረክ እስካሁን ከታዩት በላይ በሰልጣኖችና በኢህአዴግ አመራሮች መካከል ፍጥጫ ታይቷል። ጠንካራ ጥያቄ በማቅረብ ሰልጣኙን አነሳስቷል የተባለ አንድ ሰልጣኝ ከስራው እንዲባረር መደረጉን ዘጋቢያችን ተዘዋውሮ ያነጋገራቸው ተሳታፊዎች ገልጸዋል።
ከዚህ ቀደም ብሎ በነበሩት የስልጠና መድረኮች የነበሩ ሰልጣኞች በተለይ የድርጅት አባሎቹ በስልጠና ላይ ሳሉ ከአበል በተጨማሪ በእረፍት ሰዓት እሽግ ውሃ፣ ሻይ ቡና እና በቂ የእረፍት ጊዜ እንዲሁም የፌደራል መ/ቤት ሰራተኞች ደግሞ በአዲስ አበባ ስራ አመራር ኢንስቲትዩት ገብተው የተሟላ የምግብና መኝታ አገልግሎት በማግኘት ሰልጥነው ሲወጡ በአንፃሩ ደግሞ የ2ኛና 3ኛ ዙር ሰልጣኞች ለእኛ ለምን የተሟላ አገልግሎት አይሰጠንም በማለት ተቃውሞ አሰምተዋል።
