የአሜሪካ የውጭ ጉዳይ መስሪያ ቤት የኢትዮጵያን የሰብአዊ መብት አያያዝ አብጠለጠለ

የካቲት ፳፩ (ሃያ አንድ) ቀን ፳፻፮ ዓ/ም ኢሳት ዜና :-መስሪያ ቤቱ በ2013 ሪፖርቱ በአገሪቱ የሚታዩ የሰብአዊ መብት ጥሰቶችን በዝርዝር አስቀምጧል። በኢትዮጵያ ውስጥ ከሚታዩት የሰብአዊ መብት ጥሰቶች መካከል ሃሳብን በነጻነት የመግልጽና የመደራጀት መብት ቀዳሚ መሆኑን ሪፖርቱ ይገልጻል።

ዜጎች በዘፈቀደ ይታሰራሉ፣ ይታፈናሉ፣ በእስር ቤት ይሰቃያሉ፣ ያለፍርድ ቤት ትእዛዝ ይገደላሉ፣ በፖለቲካ አቋማቸው ምክንያት ማስፈራሪያ ይደርስባቸዋል እንዲሁም በእስር ቤት ውስጥ አሰቃቂ ድርጊቶች ይፈጸሙባቸዋል።

በስዊዘርላንድ እና በኖርዌይ ረዳት ፓይለት ሃይለመድህን አበራን የሚደግፉ ሰልፎች ተካሄዱ

የካቲት ፳፩ (ሃያ አንድ) ቀን ፳፻፮ ዓ/ም ኢሳት ዜና :-በስዊዘርላንድ በርን ከተማ በተካሄደው ተቃውሞ በርካታ ኢትዮጵያውያን በቅርቡ የኢትዮጵያ አየር መንግድ ንበረት የሆነ አውሮፓላን በመጥለፍ ስዊዘርላንድ ጄኔቫ ያሳረፈው ሃይለመድህን አበራ አፋጠኝ ፍትህ እንዲያገኝ ጠይቀዋል።

ሱዳንና ኢትዮጵያ በድንበር አካባቢ የጋራ ጥምር ሃይል ለማቋቋም ተስማሙ

የካቲት ፳፩ (ሃያ አንድ) ቀን ፳፻፮ ዓ/ም ኢሳት ዜና :-የሱዳን የመከላከያ ሚኒስትር አብዱል ራሂም ሙሀመድ እንዳሉት ሁለቱ አገራት ከየመከላከያ ሰራዊታቸው የተውጣጡ ጥምር ሃይል በማቋቋም በድንበሮች ላይ አሰሳ ማድረግ ይጀምራሉ።

ሚኒስትሩ በሁለቱ መንግስታት መካከል የሚደረገው ተከታታይ ውይይት እዚህ ውሳኔ ላይ እንዲደርሱ አድርጓቸዋል። ስምምነቱን  በኢትዮጵያ በኩል  የመከላከያ ሚኒሰትር ሲራጅ ፈርጌሳ ፈርመዋል።

የዩጋንዳ መንግስት ግብረ-ሰዶማዊነትን ለመከላከል ያወጣውን ህግ በመቃወም ምእራባዊያን አገራት እርምጃ እየወሰዱ ነው

የካቲት ፳፩ (ሃያ አንድ) ቀን ፳፻፮ ዓ/ም ኢሳት ዜና :-ፕ/ት ዩዌሪ ሙሴቪኒ ግብረሰዶማዊነትን ለመከላከል ያወጡት ህግ በርካታ የምእራብ አገራትን ያስቆታ ሲሆን፣ በብዙ የአፍሪካ አገራት ደግሞ ድጋፍ ተችሮአቸዋል።

የምእራብ አገራት በሚወስዱት የተቀነባበረ እርምጃ ኖርዌይና ዴንማርክ ለመንግስት በቀጥታ የሚሰጡትን ድጋፍ ሲያቋርጡ፣ የአለም ባንክ ደግሞ ለአገሪቱ የሚሰጠውን የ90 ሚሊዮን ዶላር እርዳታ አግዷል።

ሩሲያ የዩክሬን ግዛት የሆነቸውን ክሪሚያን ወረረች

የካቲት ፳፩ (ሃያ አንድ) ቀን ፳፻፮ ዓ/ም ኢሳት ዜና :-በዩክሬን የተካሄደውን ተቃውሞ ተከትሎ አዲስ መንግስት መመስረቱ ያስቆጣት ሩስያ ክሪሚያ የምትባለውን የዩክሬን  ግዛት አውሮፕላን ማረፊያን በማቆጣጠር ተጽእኖ ለመፍጠር እየሞከች ነው።

በክሪሚያ ግዛት 60 በመቶ የሚሆኑት ሩስያውያን ሲሆን፣ ሩሲያ ዜጎቿ ከጥቃት ለመከላከል በማሰብ የወሰደችው እርምጃ መሆኑን ትናገራለች። የምእራባዊያን አገራትና ጊዜያዊው የዩክሬን መንግስት የሩሲያን እርምጃ ግልጽ ወረራ በማለት አውግዘውታል። የሩሲያው መሪ ቭላድሜር ፑቲን የዩክሬንን ግዛት እንደሚያከብሩ ቢገልጹም፣ ወታደሮቻቸው በዩክሬን ድንበር አቅራቢያ የጦር ልምምድ እያደረጉ ነው።

ከስልጣናቸው የተባረሩት የቀድሞው የአገሪቱ ፕሬዚዳንት ያኑኮቪች በአሁኑ ሰአት ሩሲያ ውስጥ የሚገኙ ሲሆን፣ ህጋዊው የአገሪቱ መሪ እኔ ነኝ ማለታቸውንም የውጭ የመገናኛ ብዙሀን ገልጸዋል።

ክሪሜያ ቀደም ብሎ በሩሲያ ተይዛ የነበረ ሲሆን፣ በፈረንጆች አቆጣጠር በ1954 ፣ ሩሲያ ለዩክሬን አስረክባለች።

የህወሓቶች ገመና ሲጋለጥ

የካድሬው ወንጀል በማይጨው ሆስፒታል

አብርሃም ደስታ

ብርሃኑ ሃይለስላሴ ይባላል። አዲስ አበባ ዩኒቨርስቲ ተማሪ እያለ ጥናቱን ትቶ በካድሬነት ተግባር የተሰማራ እንደነበር አውቃለሁ። በአዲስ አበባ ዩኒቨርስቲ የምንማር የትግራይ ልጆችን እየሰለለ ነበር የሚውለው።ተመረቀና በህወሓት አባልነቱ መሰረት የትምህርት ዉጤቱ ግምት ዉስጥ ሳይገባ፣ ሳይወዳደር (ሌሎች ብቁ ሰዎች እያሉ) በእምባ አለጀ ወረዳ የጤና ጥበቃ ሐላፊ ተደርጎ በፓርቲ በመሾሙ ዓዲሽሁ ከተማ ገባ። በዓዲሽሁ ከተማ ብዙ ሴቶችን ደፈረ። ህዝብ ጮሆ። ሰሚ የለም። ምክንያቱም ሐላፊ ነው።

የኬንያ ፖሊስ 35 ኢትዮጵያውያን ስደተኞችን ማሰሩን አስታወቀ

ኢትዮጵያውያኑ የታሰሩት በኬንያዋ የአይሲዋሉ ጠረፋማ ከተማ ሲሆን ወደ ወደ ደቡብ አፍሪካ ለመጓዝ ሃሳብ እንደነበራቸውም ተጠቁሟል፡፡ የአይሲዋሎ የፖሊስ ሃላፊ ኔልሰን አኪጎ እንዳሉት ኢትዮጵያውያኑ የተያዙት በአንድ ግልሰብ ቤት ውስጥ ተቆልፎባቻ እንደሆነ እና ሁሉም ምንም አይነት ህጋው ሰነድ እንዳልያዙ የገለጹ ሲሆን የቤቱ ባለቤቶች በፖሊስ ከመያዛቸው በፊት ማምለጣቸውንም ጠቁመዋል፡፡ እንደ ሃላፊው ገለጻ ከሆነ ስደተኞቹ ሊያዙ የቻሉት የአካበቢው ነዋሪዎች ለፖሊስ ጥቆማ በማድረጋቸው እና ፖሊስም በአካባቢው የሚስተዋለውን የህገወጥ የሰዎች ዝውውርን ለመግታት ተጨማሪ ሃይል በማሰማራቱ ነው ብለዋል፡፡ አካባቢው ከፍተኛ የህገወጥ የሰውዎች ዝውውር የሚካሄድበት መሆኑን የጠቀሱት የፖሊስ ሃላፊው በአካባቢው የሚገኙ ባለሃብቶች እና የቢዝነስ ሰዎች ለዚሁ ተግባር ድጋፍ እና ከለላ በመስጠታቸው ለችግሩን ለመፍታት የሚደረገውን ጥረት አዳጋች እንዳደረገው ገልጸዋል፡፡ የፖሊስ ሃላፊው ቀጣይ የኢትዮጵያውያኑ እጣ ፈንታ ምን ሊሆን እንደሚችል ያለው ነገር የለም፡፡

የጋራ የመኖሪያ ቤቶች የድሃው የህብረተሰብ ክፍል ወይስ የባለጸጎቹ?

ዝቅተኛ እና መካከለኛ ገቢ ያላላቸው የህብረተሰብ ክፍሎች የቤት ባለቤት ለማድረግ ታስቦ በ1997 ዓ.ም የተጀመረወ የቤት ልማት ፕሮጀክት ከተጀመረ አስር አመት ያህል አስቆጥረቷል፡፡ ምንም እንኳ ይህ የቤት ልማት ፕሮጀክት በርካታ ቤት ፈላጊዎችን የቤት ባለቤት ማድረጉ የማይካድ ቢሆንም በጋራ የመኖሪያ ቤቶቹ እውን የተባሉት ዝቅተኛና መካከለኛ ገቢ ያላቸው የህብረተሰብ ክፍሎች እየተጠቀሙበት ነው? የሚለው ጥያቄ በብዙዎች ዘንድ አነጋጋሪ ሃሳብ ሆኖ መቆየቱ በቤቶች ልማት እቅድ አፈጻጸም ዙሪያ ላሉ ችግሮች እንደማሳያ አድርጎ መውሰድ ይቻላል፡፡

ጠባብ ብሄርተኞች እና አክራሪ ብሄርተኞች…

ሁለቱም አደገኛ ናቸው….ጠባብ ብሄርተኝነትም ሆነ አክራሪ ብሄርተኝነት በባህሪያቸው የተለያዩ ይሁኑ እንጂ ፍፃሚያቸው አንድ ነው…..ፍጅት!!! ጠባብ ብሄርተኞች ገዢዎችን ከህዝቡ መለየት ተስኗቸው ምንም የማያውቀውን ህዝብ ሊያፋጁ ዘወትር መርዝ ይረጫሉ፡፡…….አክራሪ ብሄርተኞች በበኩላቸው ደግሞ የራሳቸውን ባህል እና እምነት የራሴ ነው ብሎ ከማለት ይልቅ በሌላው ላይ በመጫን የእናንተም ነው ሊሉን ይቃጣቸዋል፡፡….በዚህም ፍጅትን እንደሚጋብዙ አያስተውሉም፡፡…….ኢትዮጲያ ሀገራችን ብዙ ባህል ብዙ ቋንቋ ያላት ሀገር ናት፡፡ ይሄ የትም የማይሄድ ሀቅ ነው፡፡ ነገስታቶች በታሪካችን ከተለያዩ ቋንቋ ተናጋሪዎች ተነስተዋል……ሁሉም ማለት በሚቻልበት ሁኔታ ግን በጉልበት ላይ የተመሰረተ አገዛዝ የነበራቸውና ህዝባቸውን ያስመረሩ ነበሩ(በጎ ስራዎች መስራታቸውም እንዳለ ሆኖ)…….አጼ ቴዎድሮስ(በጣም ብወደውም) ጨካኝ እና ጨፍጫፊ እንደነበር ታሪካዊ እውነታ ነው!!!

ክቡር ጠቅላይ ሚኒስትር ኃይለማሪያም ደሰላኝ ከእውቀት እና እውነት ጋር የሚጋጭ ትንተና ለምን?

 

ግርማ ሠይፉ ማሩ

ጠቅላይ ሚኒስትር ኃይለማሪያም ደሳለኝ በቅረቡ ወደ ሚዲያ የመጡት የኤርትራው ወዲ ኢሳያስ አፈወርቂ በሚዲያ ቀርበው አንድ አንድ ነገር በማለታቸው፤ ከማን እናንሳለን በሚል ነው የሚሉ ሰዎች ጋር መስማማት የለብንም፡፡ አጋጣሚ ነው ብለን ማለፍ ካልፈለግን አጋጣሚ ባይሆንም አጋጣሚውን ለእኛም እንድ አንድ “እውቀት” የሚጨምር ነገር ልናገኝበት የምንችል አጋጣሚ አድርጎ መውስድ ግድ ይለናል፡፡ እውቀት የሚለውን ነገር ግን ልብ ልንለው የሚገባ ነው፡፡ የጠቅላይ ሚኒስትሩን ምላሽ ተከትሎ ብዙ አስተያየት የተሰጠ ቢሆንም፣ የግል ዕይታዬን ማካፈል የተደጋገመ ቢሆን ጥሩ ነው ብዬ አመንኩ፡፡ ምክንያቱም በመሬት ላይ ካለና ከምናየው እውነትና እውቀት ጋር የተጋጨ ስለመሰለኝ፡፡

የቡድን አመራርን በተመለከተ
የቡድን አመራር ነው ለሃያ ዓመት በፓርቲያችን ያለው ማለት አቶ መለስ እያሉም አመራር ላይ ነበርን ሊሉን ከሆነ ተሳስተዋል፡፡

ከባዶ ጭንቅላት ባዶ እግር ይሻላል!!!

የባህርዳር እና አካባቢው ሕዝብ ከባዶ ጭንቅላት ባዶ እግር ሺህ ጊዜ እንደሚሻል አካሉን ብቻ ሳይሆን ህሊናውንም ለትግራዩ ነፃ አውጪ ህወሓት ባርነት ላስገዛው “የብሔረ አማራ ዴሞክራሲያዊ ንቅናቄ (ብአዴን)” እያለ እራሱን ለሚጠራው ድርጅት መሪዎች ተናገረ።

ባርነት ክፉ ነው። በባርነት ላይ የጭንቅላት ባዶነት ሲታከልበት ደግሞ አለምነው መኮንንን የመሰሉ የብአዴን መሪዎችን ይፈጥራል። የብአዴን መሪዎች ለጌታቸው ህወሓት ያላቸውን ታማኝነት ለማሳየት ራሳቸውን ማዋረዳቸው ሳያንስ እንወክለዋለን የሚሉትን ሕዝብ በጅምላ መስደባቸው ብአዴን እንደ ድርጅት የሚገኝበት የተዋረደ ደረጃ ያሳያል።

አቶ አለማየሁ አቶምሳ ከክልሉ ፕሬዚዳንትነትና ከኦሀዴድ ሊቀመንበርነት ለመልቀቅ ደብዳቤ እንዳሰገቡ ተደርጎ በክልሉ መንግስት የተሰጠው መግለጫ ሃሰት ነው ተባለ

የካቲት ፳ (ሃያ) ቀን ፳፻፮ ዓ/ም ኢሳት ዜና :-አንድ ስማቸው እንዳይጠቀስ የፈለጉ የኦህዴድ ከፍተኛ አመራር በክልሉ ፕሬዚዳንት በአቶ አለማየሁ አቶምሳ ቢሮ ውስጥ የተፈጠረውን ጉዳይ በዝርዝር ለኢሳት አስረድተዋል።

አቶ አለማየሁ ከኦህዴድ ማእከላዊ ኮሚቴ አባላት ጋር የካቲት 10 ቀን፣ 2006 ዓም በክልሉ ውስጥ ስለሚታየው የመልካም አስተዳደር መበላሸትና የህዝብ ሮሮ፣ ከቁጥጥር ውጭ እየሆነ በመጣው ሙስና እንዲሁም በድርጅቱ ጎጠኛ አሰራር ዙሪያ እርሳቸውን ከሚቃወሙዋቸው ሌሎች የኦህዴድ ባለስልጣናት ጋር  ከጧት ጀምሮ  እስከ ምሽቱ 3 ሰአት ድረስ ግምገማ ሲያደርጉ ውለዋል፡፡

ኢህአዴግ የሚያካሂደው የቤት ልማት ለኪራይ ሰብሳቢነት መጋለጡን አመነ

የካቲት ፳ (ሃያ) ቀን ፳፻፮ ዓ/ም ኢሳት ዜና :-ባለፉት 10 ዓመታት ሲካሄደው የቆየውና የቤት ልማት ፕሮግራሙ ለኪራይ ሰብሳቢነትና ብልሹ አሰራሮች የተጋለጠ እንደነበር ኢህአዴግ “አዲስ ራዕይ” በተሰኘ ልሳኑ አምኗል፡፡አዲስ ራዕይ በህዳር – ታህሳስ 2006 ዕትም “የመኖሪያ ቤት ፖሊሲያችንና ለዜጎች የሀብት ክፍፍል ፋይዳው” በሚል ርእስ ባሰፈረው ሐተታ “እስከአሁን በነበረው የቤት ልማታችን ሂደት የተፈጠሩ ክፍተቶች አሉ” ብሏል፡፡

ክፍተቶቹን ሲዘረዝርም “በክልል ከተሞቻችን ቀደም ሲል ግንባታቸው የተጀመሩ ቤቶች ተጠናቀው ለተጠቃሚዎች በማስተላለፍ በኩል ሰፊ የባለቤትነት መጓደል ይታያል፡፡ የግብዓት አጠቃቀምና የግንባታ ሂደቱም በአግባቡ ባለመመራቱ ለቤቶቹ ማጠናቀቂያ ሊሆን ይችል የነበረ ሀብት ባልተቀናጀ መንገድ ሥራ ላይ ውሏል፡፡ አንዳንድ ቦታ፣ ትርፍ ከፍተኛ መጠን ያለው ብረት ሲኖር የሲሚንቶ እጥረት የሚታይበት፣ የጠጠር ትርፍ ክምችት ሲኖር የአሸዋ እጥረት የሚታይበት እንዲሁም ከኮንትራክተሮችና የሱፐርቪዥን ኮንሰልታንቶች ጋር በመመሳጠር ያልተገባ ጥቅምም እያገኙ የነበሩ በሂደቱ የተጠየቁ እንዲሁም የችግሩ ባለቤት የሆኑና በአግባቡ ያልተጋለጡ ይኖራሉ ተብሎ ይገመታል፡፡” ብሎአል።

አንድነት ፓርቲ ተቃውሞውን በሁሉም የአገሪቱ ክፍል እንደሚያቀጣጥል ገለጸ

የካቲት ፳ (ሃያ) ቀን ፳፻፮ ዓ/ም ኢሳት ዜና :-ፓርቲው ባወጣው መግለጫ፣ የብሔረ አማራ ዴሞክራሲያዊ ንቅናቄ (ብአዴን) በባህርዳር ለታየው ህዝባዊ ተቃውሞ መልስ ለመስጠት ዝግጁ ባለመሆኑ ተቃውሞውን በሌሎች የአገሪቱ ክልሎች ለመቀጠል ፍላጎት ያለው መሆኑን አመልክቷል።

አቶ አለምነው መኮንንን በፍርድ አደባባይ ለማቆም በአጭር ጊዜ ውስጥ ክስ መስርቶ ለህዝብ ይፋ እንደሚያደርግም አስታውቋል።አቶ አለምነው በአማራው ህዝብ ላይ የሰነዘሩትን ጸያፍ ስድብ ተከትሎ በባህርዳር ልዩ የተባለ የተቃውሞ ሰልፍ መደረጉ ይታወቃል። ብአዴን እስካሁን በጉዳዩ ላይ ምንም አይነት መግለጫ አልሰጠም።

በኢትዮጵያ ውስጥ የሚታየው የውጭ ምንዛሬ እጥረት እልባት አላገኘም

የካቲት ፳ (ሃያ) ቀን ፳፻፮ ዓ/ም ኢሳት ዜና :-በአስመጭና ላኪ እንዲሁም በግንባታ ስራዎች ላይ የተሰማሩ ነጋዴዎች እንደሚገልጹት፣ በውጭ ምንዛሬ እጥረት ሳቢያ የአገሪቱ የንግድ እንቅስቃሴ በእጅጉ እየተጎዳ ነው። ምንም እንኳ መንግስት የውጭ ምንዛሬ እጥረት እንዳላጋጠመ በተደጋጋሚ ቢገልጽም፣ በርካታ ነጋዴዎች ወደ ባንኮች ሲሄዱ፣ የሚፈልጉትን መጠን የውጭ ምንዛሬ ለማግኘት አይችሉም። ከባንኮቹ የሚሰጣቸው መልስ ምንዛሬ የለም የሚል መሆኑን አንዳንድ ነጋዴዎች እንደሚናገሩ የአዲስ አበባው ዘጋቢያችን ገልጿል።

አንዳንዶች እንደሚገምቱት አገሪቱ ከውጭ ንግድ በእያመቱ እስከ 4 ቢሊዮን ዶላር ገቢ ለማግኘት በማቀድ ብትንቀሳቀስም፣ ማሳካት የቻለችው የዚህን ግማሽ ያክል ብቻ በመሆኑ፣ አሁን ለሚታየው የውጭ ምንዛሬ እጥረት አስተዋጽኦ አድርጓል።

በሞቃዲሹ በአንድ ሳምንት ውስጥ ለሁለተኛ ጊዜ ጥቃት ደረሰ

የካቲት ፳ (ሃያ) ቀን ፳፻፮ ዓ/ም ኢሳት ዜና :-አልሸባብ እንዳደረሰው በሚገመተው የአጥፍቶ መጥፋት እርምጃ 12 የጸጥታ ሃኢሎች መገደላቸው ታውቋል። ጥቃቱ የጸጥታ ሃይሎችን ኢላማ ያደረገ መሆኑን ቢቢሲ ዘግቧል።

ባለፈው ሳምንት በፕሬዚዳንቱ ግቢ ውስጥ በደረሰ ጥቃት የሶማሊያ መንግስት ነባር የአመራር አባላት መገደላቸው ይታወሳል። አልሸባብ ከአፍሪካ አገራት በደረሰበት ጥቃት ሞቃዲሹን ለቆ ቢወጣም፣ በተደጋጋሚ እየወሰደ ባለው የፈንጅ ጥቃት ከፍተኛ ጉዳት በማድረስ ላይ ነው።

የወያኔ አገዛዝና የወንጀል አፈጻጸም ዘዴ

ወያኔ መንግስት መሰል ታቋማት እና መዋቅር የዘረጋ እጅግ ኣደገኛ የሆነ ኢትዮጵያን ኣፈራርሰው የነርሱ

ሊያደርጓት በሚመኙ ሃይሎች የተቀጠረ ቡድን ነዉ። ወያኔ ባለሙያወችን ከሙያቸዉ ኢትዮጵያዊያንን
ካገራቸዉ በመግፋት ኣገራችንን ለባዳን ኣሳልፎ የሰጠ ቡድን ነዉ። በመሆኑም ወያኔ ከባእዳን በሚሰጠዉ
ኢትዮጵያን የማፍረስ ተልኮ የሚመራ በኢትዮጵያ ላይ የዘመተ ሃይል ነው፣፣ በዚህ መሰረት ወያኔ ህግን
ወረቀት ላይ ኣስፍሮ በተግባር ወንጀል ይፈጽማል፣፣ ወያኔ ስለህግ ሲባል ከመስማት ዉጭ ጣእሙን
ኣያዉቀዉም፣፣ የህግ የበላይነት እና የወያኔ ኣገዛዝ ኣጥፊና ጠፊ ናቸዉ።
የህግ የበላይነት ማለትም ፥ በዚህ የሰለጠነ ዘመን እና የብዙሃን ፓርቲ ስርዓት በሚከተሉ ዘመናዊ ኣገሮች፥
ባገሩቱ ዉስጥ ፖለቲካዊ፥ ኢኮኖሚያዊ እና ማህበራዊ ጉዳዮችን ለማስተዳደር ብቃት ያለዉ፣ሁሉም ሰዉ
በህግ ፊት እኩል የሆነበት፣ የህግ ስርዓት ያለበት ማለት ነው፣፣ ”በህግ ፊት ሁሉም ሰዉ እኩል ነዉ”
የሚለዉ የህግ መርህ ለወያኔ ባእድ ነዉ፣፣ ባ17 ዓመት የትግራይን ህዝብ ሲጨፈጭፍ፣ሲዘርፍና ባለቆቹ
መመሪያ መሰረት ኢትዮጵያዊ የትግራይ ጀግኖችን ሲገል እና ትጥቅ ሲስፈታ ያካበተዉን ልምድ ወደ መሃል
እና መላዉ ኢትዮጵያ ይዞ በመግባት ከጸረ ኣገር ቅጥረኛ ሽፍታ ወደ ቅጥረኛ መንግስትነት፣ሲለወጥ
ለማስመሰል የሚጠቀምበት ባዶ ቃል ነዉ፣፣የህግ የበላይነት እዉን የሚሆነዉ የፖለቲካ መሪዎች በነጻነት
የህግ ከለላ ተሰጧቸዉ እርይ ኣቸውን ሲያራምዱ፣ ነጋዴዎች በነጻ ገብያ ዉድድር ነግደዉ ጤናማ ትርፍ
የሚያግኙበት : ማህበራዊ ፍትህ ተገቢውን የህግ ጥበቃ አጊንቶ ዜጎች በእኩልነት የሚታዩበት ስርዓ-
መንግስት ሲኖር ነው:: ይህ ሲኖር ግልጽነት ና ተያቂነት ያለው የህግ አውጪ ተርጉአሚና አስፈጻሚ አካላት
ይኖርራልኡ ማለት ነው:: ወረቀት ላይ የሰፈረውን ህግ ባግባቡ የሚያስፈጽሙ የመንግስት ተቁአማት
ክከሌሉ ህግ ብወረቀት ላይ የሰፈረ ተረት ተረት ነው:: 

ተፈጥሮዋዊ መብታችንን አትቀሙን

ግርማ ሠይፉ ማሩ

ኢትዮጵያዊ መብታችንን በተፈጥሮ ያገኘነውን መብታችንን አትቀሙን ነው ጥያቄው፡፡ የምክር
ቤት አባሌ ስለሆንኩ ሳይሆን እንደሰው የሚገባኝን መብት መሌሱሌኝ፡፡ በደቡብ ወል
በምትገኘው ሀይቅ ከተማ የሚገኝ አንዴ ደፋር ስይዴ ተፈራ የሚባሌ ኢኒስፔክተር ህገ
መንግስት ጥሰሃሌ ቢሆንም ግን ይቅር ብንሃል ሊንተ ስንሌ የቅስቀሳ ወረቀት በመበተን ሊይ
የነበሩትንም ከእስር አንለቃቸዋለን ይለኛል፡፡ ደፋሩ ኢንስፔክተር ሰይዴ ተፈራ በሚናገረው
ሉፈረዴበት አይገባም፡፡ ላሊ ደፋር በስሌክ እሱን ሌቀቀው ላልቹን አሰገባቸው ብልኛሌ ብል
በይፋ ይናገራሌ፡፡ ኢኒስፔክተሩ በተሸከመው ማዕረግ ሌክ አያውቅም እየሰማሁት “ግርማ
የሚባሌ የምክር ቤት አባሌ ነው ቡዴኑን የሚመራው” ብል በፊቴ ይዘረጥጠኛሌ አለቆቹ እንኳን
የተከበሩ አቶ ግርማ እንደሚለኝ በቴላቪዝን እንኳን የሚያይ አይመስለኝም የእርሱም ግዳታው
እንደሆነ የሚያውቅ አይመስለኝም፡፡

ረዳት ፓይለት ሃይለመድህን በነጻ ሊለቀቅ ይችላል።

የሕወሓት መንግስት ፓይለቱ እንዲመለስለት ጠይቆ አልተሳካለትም።

የስዊዝ ጋዜጣ ሰለ ኮ ፓይለት ሃይለመድህን አበራ በኢትዮጵያኖች እንደ ጀግና ነው የሚቆጠርው በማለት ዘግቧል። አክሎም በተለያዩ አለም ላይ ያሉ ኢትዮዽያኖች በስዊዝ ኤንባሲ ሰላማዊ ሰልፍ በማድረግ ደብዳበ ፅፈው እያስገቡ ነው

ሰኞ እለት አሜሪካ የሚገኘው የስዊዝ ኤምባሲ ሰላማዊ ሰልፍ የወጡ ኢትዮጵያኖች ወረቀት አስገብተዋል ትላንት በጀርመንም በመጪው አርብ በስዊዝ ከተማ በርን ሰላማዊ ሰልፍም እንዳለ ገልፅዋል። ዝርዝሩን ያንብቡት ...

“በባህር ዳር ከተማ የታየው ህዝባዊ ተቃውሞ በሌሎች የሀገራችን ክፍሎችም ተጠናክሮ ይቀጥላል”

 የአንድነት መግለጫ

ከአንድነት ለዴሞክራሲ እና ለፍትህ ፓርቲ (አንድነት) የተሰጠ መግለጫ!!!

ከጊዜ ወደ ጊዜ አምባገነናዊ የአፈና መዋቅሩን በማጠናከር ለመድብለ ፓርቲ የፖለቲካ ሥርዓት በር መዝጋቱን አጠናክሮ ለብቻው አውራ ፓርቲ ለመሆን እየታተረ ያለው የኢህአዴግ መንግሥት ደርግ በውድቀቱ ዋዜማ ወደ ተላበሰው ባህሪ እየተሸጋገረ እንደሆነ ተስተውሏል፡፡

በኢትዮጵያ የማዕድን ሙስናን ለመሸፋፈን የሚደረገው ዘበት

ከፕሮፌሰር አለማየሁ ገብረማርያም

ትርጉም በነጻነት ለሀገሬ

በኢትዮጵያ ያለው ገዥው አካል በማዕድኑ ዘርፍ የሚያካሂደውን ሙስና በማደብዘዝ እና በመሸፋፈን ንጹህ መስሎ ለመታየት እና ዓለም አቀፋዊ ተቀባይነትን ለማግኘት በማሰብ በአምራች ኢንዱስትሪዎች የግልጽነት ተነሳሽነት(Extractive Industries Transparency Initiative (EITI)) ለተባለው ድርጅት ዕጩ አባል ለመሆን እንደገና ለሁለተኛ ጊዜ ይፍጨረጨራል፡፡ የገቢ ምልከታ ተቋም/Revenue Observation Institute የቦርድ ሊቀመንበር እና የአምራች ኢንዱስትሪዎች የግልጽነት ተነሳሽነት/EITI የቦርድ አባል የሆኑት አንቶኒ ሪቸር እንደሚሉት ከሆነ እ.ኤ.አ በ2010 ኢትዮጵያ የአምራች ኢንዱስትሪዎች የግልጽነት ተነሳሽነት/EITI አባል ለመሆን ያቀረበችው ጥያቄ ውድቅ ተደርጎ ነበር፣ ምክንያቱም የኢትዮጵያ ‘የበጎ አድራጎት እና ማህበራት ድርጅት አዋጅ (Proclamation on Charities and Societies) የሲቪክ ህዝብ ማህበራት ቡድኖች ሙሉ በሙሉ ነጻ ሆነው እና በሂደቱም ላይ ትርጉም ያለው ተሳትፎ እንዳያደርጉ የሚከለክል ደንቃራ በመሆኑ ነው የሚል ድምዳሜ ሰጥቷል፡፡ ቦርዱ ‘የበጎ አድራጎት እና ማህበራት ድርጅት አዋጅ’ በስራ ላይ እንዳይውል ኢትዮጵያ ‘እስካልሰረዘች ድረስ የዓለም አቀፉ ድርጅት አባል እንድትሆን በተጨባጭ እንደማይፈቅድ ውሳኔ አስተላልፏል’፡፡ አንድ አገር ለአባልነት ጥያቄ አቅርቦ ውድቅ ሲደረግበት በአምራች ኢንዱስትሪዎች የግልጽነትተነሳሽነት/EITI ታሪክ የመጀመሪያው ብቸኛው ድርጊት መሆኑ እና እንዲሁም ደግሞ ለዚህ እርምጃ መሰረት ሆኖ የቀረበው በግልጽከሰብአዊ መብት ጥሰት ጋር የተያያዘ መሆኑ ነበር፡፡

የኩዬት መንግስት ኢትዮጵያውያን ሰራተኞች ወደ ሃገሩ ገብተው እንዳይሰሩ እገዳ ጣለ፡፡

የኩዬት መንግስት ኢትዮጵያውያን ሰራተኞች ወደ ሃገሩ ገብተው እንዳይሰሩ እገዳ ጣለ፡፡
የኩዬት የሃገር ውስጥ ጉዳይ ሚንስቴር ኢትዮጵያውያን ወንድ እና ሴት የቤት እና የጉልበት ሰራተኞች ወደሃገሩ ገብተው እንዳይሰሩ ማገዱን አስታውቋል፡፡
የፓስፖርት እና የብሄራዊ ጉዳዮች ምክትል ሃላፊ ሜጀር ጀነራል ፈይሰል አል ናዋፍ እንዳሉት ለኢትዮጵያውያኑ ቪዛ መስጠት
የታገደው በኢትዮጵያውያን ሰራተኞች እየተፈጸመ ያለው የግድያ ፣
የስርቆት ፣ የድብደባ እንዲሁም በተለያዩ ጉዳዮች በማስፈራራት ገንዘብ የመጠየቅ ወንጀሎች በመበራከታቸው ነው፡፡እገዳው ተግባራዊ የሚሆነው ከየካቲት 12 ቀን 2006 ዓ.ም ጀምሮ መሆኑንም አስታውቀዋል፡፡

የኢ.ህ.አ.ዴ.ግ ስረዕት ነጻ ፕሬሶችን አስጠነቀቀ !

ኢዜአ የነጻ ፕሬስ ጋዜጠኞች ማህበር ሊቀመንበርን ጠቅሶ ባስተላለፈው ዜና የኢ.ህ.አ.ዴ.ግ መንግስት ዳግም በነጻ ፕሬሶች ላይ እርምጃ ለመውሰድ ያለውን ቁርጠኝነት አረጋግጦል። እንደ ዜናው ዘገባ በአሸባሪነት ተፈርጀው በህግ ቁጥጥር ስራ  በሚገኙ ዙሪያ አንዳንድ ጋዜጦች የተዛባ ውዥንበር በህዝብ መሃል  በመንዛት ድብቅ አጀንዳቸውን ያራምዳሉ ብሏል።

የኢ.ህ.አ.ዴ.ግ መንግስት ሰሞነኛ ፉከራ  መጪውን ሃገራዊ ምርጫ ተከትሎ የተቃዋሚ ሃይሎች በህዝብ ዘንድ ድጋፍ እያገኙ እና እያንሰራሩ መመጣታቸው  እንዳስደነገጠው የሚናገሩ ወገኖች  ከብሄራዊ ምርጫ በፊት የህዝብ ልሳን የሆኑትን የነጻ ፕሬስ ጋዜጦችን በማጥፋት የህዝብን ድምጽ፡ለማፈን እያደረገ ያለው  ዘመቻ አንዱ አካል መሆኑንን  ይስማሙበታል ።

ካሁን በኋላ “ወደ ቃሊቲ የምትገባው ታስረህ ካልሆነ በቀር እነ አንዱኣለምን ለማየት ድርስ አትላትም!”

አዲስ አበባ ነበርኩ። ሰኞ ጧት ፖለቲከኛ አንዷለም አራጌና ጋዜጠኛ ርእዮት አለሙ ለመጠየቅ ቃሊቲ ማረምያቤት ሄድኩኝ። ጥበቃዎቹ ወደ ማረምያቤቱ አስተዳዳሪ ወሰዱኝ። አስተዳዳሪው ምርመራ ይሁን ዛቻ በማይታወቅ መልኩ ካስፈራራኝና ከሰደበኝ በኋላ ከማረምያ ቤቱ ተባረርኩ። አስተዳዳሪው “አንተ ከትግራይ አክራሪ አማራዎችን ለመጠየቅ ስትመጣ አታፍርም?!” አለኝ።

የአድዋ በአልን ለማክበር አቡጊዳ ሰልፍ በአዲስ አበባ ሊጠራ ነው

የአንድነት ፓርቲ ከመኢአድ እና ትብብር ተብሎ ከሚታወቀዉ የአሥር ድርጅቶ ስብስብ ጋር በመሆን የ118 ኛውን የአድዋ ድል መታሰቦያ እንደሚያከብሩ፣ የአንድምነት ልሳን ፍኖት ነጻነት ገለጸ።

በአሉ የሚከበረዉ ወደ 3.7 ኪሎሜትር ከቀበና የአንድነት ጽ/ቤት እስከ ጊዮርጊስ የሚኒሊክ አደባባይ በመጓዝ ሲሆን፣ በይነቱ የመጀመሪያዉ አከባበር ሊሆን እንደሚችል ይጠበቃል። የፍኖትን ዘገባ እንደሚከተለው ያንብቡ
ፍኖት – 118ኛውን የአድዋ ድል በዓል 3 ፓርቲዎች ሊያከብሩት ነው

“[አቶ አለምነው] በይፋ ለተናገረው ነገር ይቅርታ የማይጠይቅ ከሆነ እንከሰዋለን”

ኢንጂነር ግዛቸው ሽፈራው የአንድነት ፓርቲ ፕሬዝደንት

አንድነት ለዴሞክራሲና ለፍትህ ፓርቲ (አንድነት) እና የመላው ኢትዮጵያ አንድነት ድርጅት (መኢአድ)

የብሔረ አማራ ዴሞክራሲያዊ ንቅናቄ (ብአዴን) ማዕከላዊ ኮሚቴ አባልና የአማራ ብሔራዊ ክልል ምክትል ርዕሰ መስተዳድር አቶ አለምነው መኮንን የአማራን ሕዝብ በተመለከተ የጥላቻ ንግግር (Hate Speech) አድርገዋል በማለት በባህርዳር ከተማ የተቃውሞ ሰላማዊ ሰልፍ አድርገዋል።

ባለፈው እሁድ (የካቲት 16 ቀን 2006 ዓ.ም) በባህርዳር ከተማ በሺህ የሚቆጠሩ የከተማዋ ነዋሪዎች
በሰላማዊ ሰልፉ ላይ በመውጣት ተቃውሞአቸውን በመግለፅ በሰላም ተበትነዋል። በተቃውሞ ሰልፉ ላይ የጥላቻ ንግግር አድርገዋል የተባሉት አቶ አለምነው ለፍርድ ይቅረቡ? አልያም በይፋ ይቅርታ ይጠይቁ የሚሉ ጥሪዎች ተስተጋብተዋል።

ምነው ሚኒስትር ዘነቡ ?

ዲ-ዳንኤል ክብረት

click here for pdf

ትናንት ማታ የሴቶች፣ ሕጻናትና የወጣቶች ጉዳይ ሚኒስትሯ ወ/ሮ ዘነቡ በትዊተር ገጻቸው ላይ ግብረ ሰዶምን በተመለከተ የጻፉትን ነገር ከምመለከት ወይ ሚኒስቴር መሥሪያ ቤቱ ባይኖር ወይ እርሳቸው ሚኒስትር ባይሆኑ እመርጥ ነበር፡፡ የሴቶችና የወጣቶች፣ የሕጻናት ሚኒስትር ሆነው ግብረ ሰዶምን በመደገፍና የዑጋንዳን አዲሱን ሕግ በመቃወም መጻፋቸው ‹‹ይህቺ ሀገር ወዴት እየሄደች ነው›› ብዬ እንድጠይቅ አድርጎኛል፡፡ ከተወሰኑ ጊዜያት በፊት በአዲስ አበባ የተሾሙ የአሜሪካ አምባሳደር በኢትዮጵያ የግብረ ሰዶማውያን መብት እንዲጠበቅ እሠራለሁ ያሉትን አስታውሼ እኒህ ዲፕሎማት እውነትም ሠርተዋል ማለት ነው አልኩ፡፡

ብአዴን ባህርዳር ላይ የተካሄደው የተቃውሞ ሰልፍ እንዳይሳካ ለማድረግ የቀየሰው ስትራቴጂ ሳይሳካ መቅረቱን የውስጥ ምንጮች ገልጹ

የካቲት ፲፱ (አስራ ዘጠኝ) ቀን ፳፻፮ ዓ/ም ኢሳት ዜና :-አቶ አለምነው መኮንን የአማራን ህዝብ መዝለፋቸውን ተከትሎ አንድነት ፓርቲና መኢአድ የጠሩተን ሰልፍ ለማደናቀፍና ህዝብ በሰልፉ ላይ እንዳይገኝ የተቀየሰው ስትራቴጂ ሳይሳካ መቅረቱን የድርጅቱ ከፍተኛ አመራሮች ለኢሳት ገልጸዋል።

በከፍተኛ ድንጋጤ ውስጥ የሚገኘው ብአዴን ሰላማዊ ሰልፉን ለማጨናገፍ ከተጠቀመባቸው ዘዴዎች አንዱ በአንጻራዊነት የተሻለ ተሰሚነት ያላቸውን ወደ አዲስ አበባ ከመጡት የክልሉን ተወላጅ የብአዴን ከፍተኛ አመራሮችን መካከል መርጦ በመላክ ወጣቶችን እንዲያረጋጉና እንዲያሳምኑ ማድረግ ነበር። የተሻለ የፖለቲካ አፈጻጸም አላቸው የተባሉ በሲቪል ሰርቪስና በዩኒቨርስቲዎች ውስጥ የሚገኙ አመራሮች ወደ ባህርዳር ተንቀሳቅሰው ወጣቱን ለማረጋጋት ቢሞክሩም ሳይሳካ ቀርቷል።

የተለያዩ የፖሊስ ኮማንደሮችን ከአዲስ አበባ ወደ ከተማዋ በማስገባት የስነ ልቦና ጫና መፍጠር ይህ ካልተሳካም የፌደራልና የክልሉ ፖሊሶችን በማንቀሳቀስ ፍርሃት በመፍጠር ወጣቱ ወደ አደባባይ እንዳይወጣ የተቀየሰው ስትራቴጂ ውጤት አልባ ሆኗል።

በኦሮምያ የክልል ፐሬዚዳንት ለመሾም የሚደረገው ሽኩቻ ቀጥሎአል

የካቲት ፲፱ (አስራ ዘጠኝ) ቀን ፳፻፮ ዓ/ም ኢሳት ዜና :-የክልሉ ምክር ቤት ሳያቀውቀው በስራ አስፈጻሚው እውቅና ከስልጣን የተነሱትን አቶ አለማየሁ አቶምሳን ማን ይተካቸው የሚለው አጀንዳ የአቶ አባ ዱላ ገመዳንና የአቶ አለማየሁ አቶምሳን ቡድኖች እያወዛገበ ነው። አቶ አለማየሁ አቶምሳ ወደ ስልጣን እንደመጡ የአቶ አባዱላን ቡድኖች በመምታት ከስልጣን ውጭ ያደረጉዋቸው ሲሆን፣ አባ ዱላ ይህን አጋጣሚ በመጠቀም ተመልሰው የእርሳቸውን ሰዎች ለማሾም እየሰሩ ነው።

የኢንፎርሜሽን መረብ ደህንነት ኤጀንሲ ( ኢንሳ) ለተለያዩ ዩኒቨርስቲዎችን የኢንፎርሜሽን መረቦችን የመሰረተልማት እንደሚዘረጋ ታወቀ

የካቲት ፲፱ (አስራ ዘጠኝ) ቀን ፳፻፮ ዓ/ም ኢሳት ዜና :-በውጭ አገር የሚገኙ ኢትዮጵያውያን ተቃዋሚዎችን የኢሜል መልእከቶች እና ሌሎችንም የመገናኛ ዘዴዎች በመሰለል ክስ እየቀረበበት የሚገኘው የኢትዮጵያ   የመረጃ ደህንነት ኤጀንሲ ( ኢንሳ) ከተለያዩ ዩኒቨርስቲዎችን ጋር ውል በመዋዋል የኢንፎርሜሽን ቴክኖሎጂ የመሰረተ ልማት ዝርጋታ እያካሄ ነው።

ከባህርዳር ዩኒቨርስቲ ጋር የ70 ሚሊዮን ብር የኢንፎርሜሽን የመሰረተ ልማት ዝርጋታ ውል ተዋውሎ ስራ በመስራት ላይ ሲሆን፣ በአዋሳና ሌሎችም ዩኒቨርሰቲዎች ተመሳሳይ ስራዎችን እየሰራ ነው።

ድርጅቱ የመንግስት የመረጃ መሰብሰቢያ ተቋም ሆኖ እንዲህ አይነቱን ስራ መስራቱ በዩኒቨርስቲዎች ውስጥ የሚካሄዱ ማንኛውንም እንቅስቃሴ ለመቆጣጠር ተብሎ የሚሰራ ሊሆን እንደሚችል ባለሙያዎች ይናገራሉ።

ተቀማጭነቱ አሜሪካ የሆነ አንድ ኢትዮጵያዊ ኮምፒዩተሩ  መሰለሉን ተከትሎ በኢንሳ ላይ ክስ መመስረቱ ይታወቃል።

የአዲስአበባ የ24 ሰዓታት የቴሌቭዥን ስርጭት እቅድ ተግባራዊ መሆን አልቻለም

የካቲት ፲፱ (አስራ ዘጠኝ) ቀን ፳፻፮ ዓ/ም ኢሳት ዜና :-የአዲስአበባ ከተማ አስተዳደር የመገናና ብዙሃን ኤጀንሲ የመረጃ ውጤቶችን ለሕዝብ ተደራሽ ያደርግልኛል በሚል ከፍተኛ በጀት በመመደብ ባለፉት ዓመታት በአዲስአበባ ማዘጋጃ ቤት ሕንጻ ውስጥ ዘመናዊ ስቱዲዮና መሳሪዎች ግንባታና ግዥ ቢያከናውንም የ24 ሰዓታት ቴሌቪዥን አገልግሎት ዕቅዱን በአቅም ማነስ ምክንያት ማሳካት ሳይችል ቀርቷል፡፡

ሚኒስትሯ ግብረሰዶማዊነትን ደግፈዋል በሚል የተሰራጨውን መረጃ አስተባበሉ

W/ro Zenebu Tadesse

የኢትዮጵያ የሴቶች፣ ሕፃናትና ወጣቶች ሚኒስትር ወ/ሮ ዘነቡ ታደሰ የኡጋንዳ መንግስት በግብረሰዶማውያን ላይ ያወጣውን ሕግ እንደተቃወሙ ተደርጎ በግል የቲውተር ገፃቸው ላይ የሰፈረውን መረጃ አላውቀውም ሲሉ በሚኒስትር መ/ቤቱ የሕዝብ ግንኙነት ኃላፊ በኩል አስተባበሉ።
ሚኒስትሯ በግል የቲውተር ገፃቸው አሰራጩት በተባለው አጭር መልዕክት ላይ የኡጋንዳ መንግስት የተመሳሳይ ጾታ ግንኙነት ላይ የተሰማሩ ዜጎችን እስከ ዕድሜ ልክ በሚደርስ ቅጣት መቅጣቱን መቃወማቸውንና በግብረሰዶማዊነት ላይ መንግስት ሕግ የማውጣት ኃላፊነት እንደሌለበት የሚጠቁም መልዕክት እንዳስተላለፉ ተደርጎ ቀርቧል።

ሚኒስትሯ መልዕክቱን ያስተላለፉት የኡጋንዳው ፕሬዝዳንት ዩዌሪ ሙሴቬኒ በግብረሰዶማዊነት ላይ ጠንካራ ሕግ በፊርማቸው ማፅደቃቸውን ተከትሎ ነው። የሚኒስትሯም አቋም በኡጋንዳው ፕሬዝዳንት ላይ እየተሰነዘረ ያለውን ዓለም አቀፍ ውግዘት መቀላቀላቸውን የሚያመለክት እንደሆነም ተገልጿል። የሚኒስትሯን አቋም የኡጋንዳ የግብረሰዶማውየን መብት ታጋይ ፍራንክ ሙጊሻ አወድሰዋል።

ጠ/ሚ ኃ/ማርያምን ጨምሮ ከፍተኛ የመንግስት ባለስልጣናት ሊከሰሱ ነው *ኢቴቪና ፌዴራል ፖሊስም ይከሰሳሉ

በኢትዮጵያ ሬዲዮና ቴሌቪዥን ድርጅት በቅርቡ ከተላለፈው ‘‘ጅሃዳዊ ሃራካት’’ ዘጋቢ ፊልም ጋር በተያያዘ ጠቅላይ ሚኒስትር ኃ/ማርያም ደሳለኝን ጨምሮ ከፍተኛ የሀገሪቱ የመንግስት ባለስልጣናት ላይ የወንጀልና የፍትሃብሔር ክስ ሊመሰረት ነው። ከመንግስት ከፍተኛ ባለስልጣናት ባሻገር በኢትዮጵያ ሬዲዮና ቴሌቪዥን ድርጅት (ኢሬቴድ) እና በፌዴራል ፖሊስ ተመሳሳይ ክስ ይመሰረትባቸዋል።

በአባይ ግድብ ጉዳይ ኢትዮጵያ ከሱዳን ጋር እየተነጋገርኩ ነው አለች

ዋሽንግተን ዲሲ፤ የካቲት 18/2006 (ቢቢኤን) ፦ አራት ነጥብ ሰባት ቢሊዮን ዶላር ይፈጃል የተባለዉ ግድብን እንገነባለን በማለት የኢትዮጵያ መንግስት በቦንድ ስም ገንዘብ ለመሰብሰብ ያደረገዉ ሙከራ እምብዛም አለመሳካቱ ይታወቃል። የኢትዮጵያ መንግስት የግንባታዉ ፕሮጀክት ሰላሳ አራት ከመቶ ተጠናቋል ቢልም ግብጽ ባሰማችዉ ተቃዉሞ የግድቡ ግንባታ መስተጓጎሉን የመገናኛ ብዙሗን ዘግበዋል።

የኢትዮጵያ ዉሃና ኢነርጂ ሚኒስቴር የሆኑት አቶ አለማየሁ ተገኑ በሰጡት ጋዜጣዊ መግለጫ “ኢትዮጵያ ችግሩን ለመቅረፍ ከሱዳን ጋር ዉይይት ጀምራለች” ሲሉ ገለጸዋል። ግብጽን ወደ ዉይይቱ ሒደት ለማምጣት እየተጣረ መሆኑን የገለጹት ሚኒስቴር ሒደቱ ምን እንደሚመስል ግን ያመላከቱት ነገር የለም።

ሱዳንና ግብጽ ከግድቡ ተጠቃሚ እንደሚሆኑ ኢትዮጵያ ብትገልጽም፤ ሁለቱ አገራት ግን ለጉዳዩ አዎንታዊ ምላሽ ሲሰጡ አልተስተዋልም። ግብጽ ሰማኒያ ከመቶ የሚሆነዉ የዉሃ ሐብቷ ከአባይ እንደሚመጣ ይታወቃል፤ የአባይን ጉዳይ እንደ ህልዉና ስለምትመለከትዉ የህዝብ ድጋፍ የሌለዉ የመላኒየሙ ግድብ እንደምን ዉጤታማ ይሆናል የሚለዉ ጉዳይም አጠያያቂ እየሆነ ነዉ።

የኢትዮጵያ አየር መንገድ እና ………..

(ይድነቃቸው ከበደ )

‹‹ የኢትዮጵያ ሃየር መንግድ ለአፍሪካ ኩራት ነው ›› ሲባል ከቃላት መፈክርነት ባለፈ የአውነትም ኩራት ስለመሆኑ ጥርጣሪ የሚያድርባቸው ዜጎች እንደሚኖሮ እገምታለው፡፡ ይሁን እንጂ የኢትዮጵያ አየር መንግድ በረዥም ታሪኩ ውስጥ ከሌሎች የአፍሪካ አገሮች በአንፃራዊነት በተቋሙ ውስጥ ስማቸው እጅግ የገነነ ብቁ አብራሪዎች፣የቴክኒክ ባለሙያዎች (ግራውንድ ቴክኒሻን) እና ድጋፍ ሰጪ ሰራተኞች በአብዛኛው በኢትዮጵያዊያን የተሞላ ነው፡፡ ለዚህም ነው የአፍሪካ ኩራት ለመባል የበቃው፡፡ ይህ ኩራት እና አድናቆት ከታላቁ አፍሪካዊ የነፃነት ታጋይ ኔልሰን ማንዴላ ጀምሮ ጥቂት በማይባሉ አፍሪካዊያን ዘንድ ተቀባይነት ያገኘ ነው፡፡

በተጨማሪም የኢትዮጵያ አየር መንገድ ሎሜ፣ማላዊ እና ቶጎ በመሳሰሉ የአፍሪካ አገሮች ከፍተኛ አክሲዮን ሼር በመግዛት እያስተዳደረ እና እያንቀሳቀሰ ይገኛል፡፡እንዲሁም የተለያዩ የአፍሪካ አገር ተወላጆች በአብራሪነት እና በቲክኒሻንነት እያሰለጠነ ይገኛል፡፡ ይህ ደገሞ አየር መንገዱ በይለጠ በአፍሪካ እና በተቀሩት የዓላም አገራት ተቀባይነት ለማግኘት የሚያስችሉት መልካም ተግባራቶች ናቸው፡፡ እንዲ አይነቱ ለውጥ እና እድገት ለአገር ኩራት ስለመሆኑ ጥርጣሪ የሚያሳድር አይደለም፡፡ ይሁን እንጂ ከላይ የተገለፁት የአየር መንገዳችን መልካም ስራዎች በተቋሙ ውስጥ ለሚታዩ የአስተዳደር ችግሮች እና አየር መንገዱ ሊደርስበት ይገባው ለነበረ የእድገት ደረጃ አለመድረስ ምክንያቱ ምን እንደሆነ እና መሰል አሳቦችን አንስቶ ለመወያየት ብልጭ ድርግም የሚለው የአየር መንገዳችን እድገት የአሳብ ፍጭት ለማድረግ የሚገድብ አይደለም፡፡

ኦጋዴን: የነዳጅ ፍለጋው እና የጸጥታው ሁኔታ

በኦጋዴን አካባቢ የሚካሄደውን የነዳጅ ዘይት ቁፋሮ ኣጥብቆ እንደሚቃወም ኣማጺው የኦጋዴን ነጻ ኣውጪ ግንባር በምህጻሩ « ኦ ኤን ኤል ኤፍ » ኣስታወቀ። ኣንድ ኣንጋፋ የግንባሩ መሪ ለ« አይ ፒ ኤስ » የዜና አገልግሎት እንደገለጹት በኦጋዴን የሚገኘው የነዳጅ ዘይት ከለማ የኢትዮጵያን መንግስት ባለጸጋ ያደርገዋል።

የኦጋዴንን ህዝብ ደግሞ በድህነት እና ጭቆና ስር ያቆየናል ብሏል። ተንታኞች እንደሚሉት ከሆነ ለጊዜው በሚስጢር ቢያዝም፤ በኣሁኑ ጊዜ፤ በኦጋዴን አካባቢ የማይናቅ የነዳጅ ዘይት መጠን ለመገኘቱ በቂ መረጃዎች ኣሉ።

የስዊስ አቃቢ ህግ የረዳት ሃይለመድህን አበራን ሰብአዊ መብቶች ያከብራል ሲሉ ቃል አቀባዩዋ ተናገሩ

የካቲት ፲፰ (አስራ ስምንት) ቀን ፳፻፮ ዓ/ም ኢሳት ዜና :-የሰዊስ አቃቢ ህግ ቃል አቀባይ ሚስ ያኔት ባልመር በረዳት ፓይለት ሃይለመድህን አበራ ዙሪያ ከኢሳት ለቀረበላቸው ጥያቄ የምርመራ ሂደቱ ያልተጠናቀቀ በመሆኑ ዝርዝር መረጃዎችን ለመስጠት ፈቃደኛ አለመሆናቸው ገልጸው፣ የሰብአዊ መብቱን በመጠበቅ በኩል ለተነሳው ጥያቄ ግን ስዊዘርላንድ የሰብአዊ መብቶችን በጠበቅ በኩል ታዋቂ አገር መሆኑዋን በመግለጽ የሃይለመድህንን የሰብአዊ መብቶች እንደሚያከብሩ ገልጸዋል።

በአርማጭሆ የአንድነት ፓርቲ አባላት ከስራ ተባረሩ

የካቲት ፲፰ (አስራ ስምንት) ቀን ፳፻፮ ዓ/ም ኢሳት ዜና :-የፓርቲው አባላት በመንግስት ስራ ውስጥ ድርሻ አይኖራችሁም ተብለው መባረራቸውን የተባረሩ የፓርቲው አባላት ለኢሳት ገልጸዋል። አብዛኞቹ ለሱዳን እየተሰጠ ያለውን መሬት በተመለከተ ተቃውሞ በማሰማታቸው መባረራቸውን ገልጸዋል።

የምእራብ አርማጭሆ የአንድነት ፓርቲ ሰብሳቢ የሆነው አቶ አንጋው ተገኝ፣ በድንበር ጉዳይ ጥያቄ በማንሳታቸው መባረራቸውን ገልጸዋል

ከተባረሩት የፓርቲው አባላት መካከል አወቀ ብርሃኑ፣ አባይ ዘውዱ ፣ አንጋው ተገኝ፣ አብርሃም ልጃለም እና አለልኝ አቡሃይ ይገኙበታል።

ድሬዎች ለሰማያዊ ፓርቲ፡ “ኢሕአዴግ ክፉ መንግስት ነው፤ አብረናችሁ እንታገላለን”

*‹‹ወደ ድሬዳዋ መጥታችሁ ስላነጋገራችሁን ደስ ብሎናል›› የድሬዳዋ ከተማ ነዋሪዎች፤

ዘገባ በጌታቸው ሽፈራው

ድሬዳዋ፡- ሰማያዊ ፓርቲ (ሰማያዊ) በወቅታዊ ሀገራዊ ጉዳዮችና በፓርቲው የትግል አቅጣጫ ዙሪያ ከድሬዳዋ ከተማ ነዋሪዎች ጋር የካቲት 16 ቀን 2006 ዓ.ም በከተማዋ ተገኝቶ ባደረገው ህዝባዊ ስብሰባ ላይ ተወያየ፡፡

በስብሰባው ላይ ፓርቲው እስካሁን ያደረጋቸውን ህዝባዊ ትግሎችና ያስገኛቸውን ዋና ዋና ውጤቶች በድርጅት ጉዳይ ኃላፊው አቶ ጌታነህ ባልቻ በኩል ለነዋሪዎች ገለጻ አድርጓል፡፡ በተጨማሪም በፓርቲው ሀገራዊ አላማና የፖለቲካ ፕሮግራም ዙሪያ ለከተማዋ ነዋሪዎቹ ገለጻ ተደርጎላቸዋል፡፡

‹‹ወደ ድሬዳዋ ከተማ መጥታችሁ ስላነጋገራችሁን ደስ ብሎናል›› ያሉት የከተማዋ ነዋሪዎች፣ ‹‹ምርጫ ሲደርስ ብቻ ወደ እኛ የመምጣቱን የቆየ ልምድ ሰብራችሁ ከአሁኑ ራሳችሁን ስላስተዋወቃችሁንና የትግል አጋራችሁ እንድንሆን ስለፈቀዳችሁ እናመሰግናለን›› ብለዋል፡፡ በስብሰባው ላይ የተገኙ አንድ አስተያየት ሰጭ በድሬዳዋ ከተማ ስላለው ወቅታዊና የፖለቲካ ሁኔታ አንስተው፣ በኢህአዴግ አገዛዝ የድሬዳዋ ነዋሪዎች እየደረሰባቸው ያለውን በደል አጋልጠዋል፡፡