አቶ አስራት ጣሴን ወህኒ ቤቱ አልፈታም አለ

በትላንትናው ዕለት በሁለት አመት ገደብ የአምስት ወር እስራት ተፈርዶባቸው እንዲለቀቁ ፍርድ ቤቱ ትዕዛዝ ቢሰጥም የቂሊንጦ ወህኒ ቤት አቶ አስራትን እስከ ሰኞ እንዳይለቅ መመሪያ እንደደረሰው ማንነታቸው እንዲገለፅ ያልፈለጉ የቂሊንጦ ወህኒ ቤት ሃላፊ ለፍኖተ ነፃነት ገለፁ፡፡

በዛሬው እለት የአቶ አስራት ጣሴን ከእስር መውጫ ወረቀት ይዘው ቂሊንጦ የተገኙት የአንድነት ፓርቲ አባላት ከወህኒ ቤቱ ቀና ምላሽ አላገኙም፡፡ የወህኒ ቤቱ ሃላፊዎች ከእስር መውጫ ወረቀቱን ለያዙት የአንድነት አባላት “እናንተ ያመጣችሁትን ወረቀት አንቀበልም እኛ ራሳችን ሄደን ማምጣት ነው የምንፈልገው” ብለዋቸዋል፡፡ አንድ ማንነታቸው እንዲገለፅ ያልፈለጉ የቂሊንጦ ወህኒ ቤት ሃላፊም በስልክ ለፍኖተ ነፃነት “አቶ አስራት ቅዳሜና እሁድንም በእስር እንዲያሳልፉ መመሪያ ተሰጥቷል፡፡” የሚል አስገራሚ መረጃ ሰጥተዋል፡፡

አቶ አስራት ያልታደሙበትን ችሎት “ዘልፈዋል” በሚል ህገወጥ ክስ መቀጣታቸው ይታወቃል፡፡